Il güst mumaint per sanaziuns da chasas

Cun sanaziuns ed isolaziuns da chasas veglias as riva da spargnar energia.

Tenor l’Uffizi chantunal d’energia e trafic cuosta üna sanaziun optimala d’üna chasa d’üna famiglia raduond 200'000 francs. Scha la sanaziun vain realisada professiunalmaing, as poja far quint cun contribuziuns dal man public da fin 50'000 francs. La premissa es cha la sanaziun vain annunzchada ouravant a l’uffizi chantunal d’energia e da trafic.

Implü as poja spargnar eir pro las impostas cumünalas, chantunalas e federalas.

Ün motiv implü per stübgiar da realisar actualmaing la sanaziun es evidaintamaing eir la situaziun actuala illa branscha da fabrica. Ils possessuors da chasas profitessan da las contribuziuns da sustegn ed ils impressaris natüralmaing da las incumbenzas implü chi sun pel mumaint fich bainvissas.

A la fin profitan bainschi eir ils lavuraints ed impiegats. Daplü lavur pels impressaris voul nempe eir dir daplü sgürezza per las plazzas da lavur.

Amt für Energie und Verkehr Graubünden

energie.gr.ch