Società da commerzi e mansteranza Engiadina Bassa   La società da commerzi e mansteranza unischa intrapraisas d'industria, da commerzi, da gastronomia e da tuot ils servezzans d'Engiadina Bassa. Ella es üna secziun da la società chantunala d'industria.   La società ha in mera la solidarietà tanter ils commembers, lur promoziun specifica, sco eir ils interess generals da mansteranza e commerzi.   Las meras sun impustüt las seguaintas: ragiundscher l'unità tanter ils differents mansters defender ils interess da l'industria e da l'economia indigena invers autoritats ed in tuotta publicità tour posiziun in dumandas importantas d'economia e da politica d'industria promouver üna concurenza sana cumbatter marchats illojals ed abüs da proceduras da submissiun l'infuormaziun dals commembers davart dumandas importantas d'economia e da la politica d'industria discuter e scolar inavant in dumandas industrialas ed economicas promouver la scolaziun proffesiunala e da cuors da perfecziunamaint promouver l'agüd professiunal per agen adöver top